الجزائر : امامِ مسجد 'ذہنی عدم توازن' کے شکار شخص کے ہاتھوں جاں بحق

الجزائر میں ایک مسجد کے امام کو نماز پڑھانے کے دوران قتل کر دیا گیا۔ یہ اندوہ ناک واقعہ جمعرات کے روز تیزی وزو صوبے کے علاقے مکیرہ کی مسجد طارق بن زیاد میں پیش آیا۔

صوبے کے مذہبی امور کے ڈائریکٹریٹ کی جانب سے جاری ایک بیان میں بتایا گیا ہے کہ امام کا نام بلال حمودی ہے اور وہ رضاکارانہ طور پر امامت کی ذمے داری انجام دے رہا تھا۔ جمعرات کے روز عصر کی نماز کے دوران بلال پر حملہ کیا گیا تو وہ رکوع میں تھا۔ حملہ آور کو حراست میں لے لیا گیا ہے اور اس کا ذہنی توازن خراب ہے۔

مقامی آبادی نے اس بات کی گواہی دی ہے کہ قاتل علاج کے لیے نفسیاتی ہسپتال جاتا رہا ہے۔