.

ایتھوپیا: ابی احمد نے مزید پانچ سال کے لئے وزارت عظمیٰ کا حلف اٹھا لیا

پہلی اشاعت: آخری اپ ڈیٹ:

ایتھوپیا کے وزیر اعظم ابی احمد نے ایک بار پھر سے پانچ سال کی مدت کے لئے وزارت عظمیٰ کا حلف اٹھا لیا ہے۔ ان کی حکومت کوپہلے سے ہی تیگرے میں جاری تنازعہ سمیت دیگر کئی چیلنجز کا سامنا ہے۔

ماہ جون میں ہونے والے انتخابات میں ابی احمد کی جماعت بڑی اکثریت میں کامیابی حاصل کرنے کے بعد سپریم کورٹ کے چیف جسٹس میازا اشینافی کے دفتر میں اپنے عہدے کا حلف اٹھایا۔ ان کے علاوہ ایوان زیریں کے سپیکر اور نائب سپیکر نے بھی اپنے عہدوں کا حلف اٹھایا۔

ابی احمد 2018 میں اس وقت کے وزیر اعظم ڈیسالگن کے خلاف عوامی احتجاج کے بعد حکمران اتحاد کی نامزدگی کے نتیجے میں وزیر اعظم منتخب ہوئے تھے۔