یمن اور حوثی

یمنی حوثی میزائل حملوں کے لیےشہری علاقوں کوڈھال کے طورپراستعمال کررہے ہیں:ویڈیو

پہلی اشاعت: آخری اپ ڈیٹ:
مطالعہ موڈ چلائیں
100% Font Size
1 منٹ read

یمن میں ایران کی حمایت یافتہ حوثی ملیشیا میزائل حملے کرنے کے لیے رہائشی علاقوں اورشہریوں کوانسانی ڈھال کے طور پراستعمال کررہی ہے۔اتوار کے روز العربیہ کو حاصل ہونے والی خصوصی فوٹیج میں حوثیوں کو شہری علاقوں کو اپنی تخریبی کارروائیوں کے لیے استعمال کرتے ہوئے دیکھا جاسکتا ہے۔

حوثی ملیشیا نے یمن کی شمالی گورنری مآرب پر متعدد میزائل داغے ہیں۔برسرزمین موجود العربیہ کے نامہ نگار کے مطابق ملیشیا نے مآرب کو نشانہ بنانے کے لیے ایک گھنٹے کے وقفے میں تین میزائل داغے ہیں۔ ان میں سے ایک ہوائی اڈے پر گرا ہے۔

حوثیوں نے یہ میزائل حملے یمنی فوج اور عرب اتحادی افواج کی جانب سے گذشتہ چندروزمیں تزویراتی اہمیت کی حامل اس گورنری میں پیش قدمی کے بعد کیے ہیں۔عرب اتحاد کی حالیہ فضائی مہم کے دوران میں حوثی ملیشیا کو بھاری جانی اور مالی نقصان اٹھانا پڑا ہے۔

عرب اتحاد نے اعلان کیا کہ اس نے جنوبی خطے کو نشانہ بنانے کے لیے حوثی ملیشیا کے چھوڑے گئے چارڈرونز کو تباہ کردیا ہے اورمزید کہا کہ اس نے گذشتہ 24 گھنٹے کے دوران میں مآرب اور الجوف پر 19 اہدافی حملے کیے ہیں۔

عرب اتحاد کی حالیہ کارروائیوں میں115حوثی جنگجو ہلاک ہوگئے ہیں۔اس کے علاوہ ان کی 14 فوجی گاڑیاں بھی تباہ ہوگئی ہیں۔حوثیوں نے مآرب کی جانب چاربیلسٹک میزائل داغنے کے علاوہ بارودی ڈرونز چھوڑے تھے۔

مقبول خبریں اہم خبریں

مقبول خبریں