کیلیفورنیا چرچ پرحملہ آور چینی نژاد نکلا، نشانہ تائیوان کمیونٹی تھی

پہلی اشاعت: آخری اپ ڈیٹ:
مطالعہ موڈ چلائیں
100% Font Size
1 منٹ read

امریکی پولیس نے پیرکواعلان کیا کہ ہے جس شخص نے اتوار کو کیلی فورنیا کے ایک چرچ میں فائرنگ کر کے ایک شخص کو ہلاک اور پانچ کو زخمی کر دیا تھا وہ ایک 68 سالہ چینی نژاد امریکی تھا جو تائیوان کی کمیونٹی کو نشانہ بنانا چاہتا تھا۔

فائرنگ کا نشانہ بننے والے چھ افراد تائیوانی نژاد ہیں اور وہ لگونا ووڈس چرچ میں صبح کی چرچ کی عبادت کے بعد ایک ضیافت میں شرکت کر رہے تھے جب یہ حملہ ہوا۔

پولیس کا کہنا ہے کہ جب اس نے اپنا ہتھیار دوبارہ چارج کرنے کی کوشش کی تو پجاری اور عبادت گذاروں نے حملہ آور کو قابو کر لیا۔ ملزم کا نام ڈیوڈ چو بتایا جاتا ہے اور اس کی عمر68 سال ہے۔

اورنج کاؤنٹی کے شیرف ڈان بارنس کے مطابق حملہ آور چینی نژاد امریکی ہے جو کئی سال سے امریکا میں مقیم ہے اور لاس ویگاس کے علاقے میں بطور سیکیورٹی گارڈ کام کرتا ہے۔

بارنس نے ایک پریس کانفرنس کے دوران کہا کہ حملہ آور فالتو گولہ بارود اور مولوٹوف کاک ٹیلوں سے لیس تھا اور اس کے حملے کی وجوہات "سیاسی اور نفرت پر مبنی ہیں۔

مقبول خبریں اہم خبریں

مقبول خبریں