رہائشی اپارٹمنٹ میں غیر مجاز اسقاطِ حمل کلینک چلانے پر دو غیر ملکی خواتین گرفتار

سعودی عرب کے دارلحکومت ریاض میں غیر قانونی طور پر مقیم دو غیر ملکی خواتین کو رہائشی اپارٹمنٹ میں اسقاطِ حمل کا کلینک چلانے کی پاداش میں گرفتار کر لیا گیا ہے۔

ریاض کے محکمہ صحت کے مطابق یہ کارروائی سکیورٹی فورسز کی مدد سے کی گئی۔ اس حوالے سے ریاض کے محکمہ صحت کے ڈائریکٹر ڈاکٹر حسن بن علی الشھرانی نے اہم کردار ادا کیا۔

بیان میں مزید بتایا گیا کہ مملکت میں غیر قانونی طور پر مقیم یہ دونوں غیر ملکی خواتین بنیادی طبی ضروریات کی عدم موجودگی میں اسقاطِ حمل کی پریکٹس کر رہی تھیں۔ اس مقصد کے لیے ان خواتین نے جنوبی ریاض میں ایک رہائشی اپارٹمنٹ لیا ہوا تھا۔

ریاض کے محکمہ صحت کے متعلقہ شعبے نے مریضوں کی صحت کے خطرناک اور غیر قانونی پریکٹس پر ان خواتین کو گرفتار کر لیا ہے۔