کیا رونالڈو اور اہل خانہ ریاض میں رہیں گے؟ المحمدیہ یا النخیل میں سے کونسی کالونی؟

سعودی کلب النصر کی جانب سے پرتگالی کھلاڑی کرسٹیانو رونالڈو کے ساتھ معاہدے کے اعلان کے بعد سماجی رابطوں کی ویب سائٹس پر عالمی سٹار اور ان کے اہل خانہ کی دارالحکومت ریاض میں رہائش کے بارے میں تفصیلات سے آگاہ کیا گیا۔

مغربی پریس رپورٹس میں مشہور فٹبالر اور اس کے خاندان کے لیے ریاض میں المحمدیہ کے اعلیٰ درجہ کے محلے میں ایک محل کی تیاری کا انکشاف ہوا ہے جس میں بتایا گیا ہے کہ یہ محل 8 بیڈ رومز، ایک بڑی آبشار، بڑے سبز علاقوں، ایک اولمپک سوئمنگ پول پر مشتمل ہے۔ اس محل کے ساتھ 3 اضافی ولاز بھی ملحق ہیں۔

برطانوی اخبار "ڈیلی میل" نے اپنی ایک رپورٹ میں کہا ہے کہ رونالڈو سعودی دارالحکومت کے پرتعیش محلوں میں سے ایک میں رہنے کے لیے منتقل ہو جائیں گے۔ وہ المحمدیہ کالونی میں رہیں گے جو ایک پرسکون اور پر تعیش مقام ہے۔ یا وہ النخیل کالونی میں رہائش پذیر ہوں گے، یہ کالونی بین الاقوامی سکولوں کے لیے مشہور ہے۔

تاریخی معاہدہ

یاد رہے سعودی کلب النصر نے ہفتے کے روز پرتگالی لیجنڈ رونالڈو کے ساتھ اپنے معاہدے کا باضابطہ طور پر 2025 کے موسم گرما تک اعلان کیا تھا۔ اس معاہدے کو تاریخی قرار دیا گیا تھا۔