طلاق کے فیصلے سے قبل ماہر نفسیات سے مدد لی جائے: اسلامی فقہ اکیڈمی سوڈان

سوڈان میں اسلامک فقہ اکیڈمی نے حیران کن اقدام کرتے ہوئے طلاق کی وجوہات جاننے کے لیے ماہر نفسیات سے مدد لینے کا اعلان کردیا ۔

اکیڈمی کے سیکرٹری جنرل عدیل حسن حمزہ نے ہفتے کے روز کہا کہ میاں بیوی کے درمیان طلاق ہوئی ہے یا نہیں اس کا فیصلہ کرنے سے پہلے شوہر کی نفسیاتی حالت جاننا اہمیت رکھتا ہے۔ اس لیے اکیڈمی نے ماہر نفسیات کی مدد لینے کا فیصلہ کیا۔

یہ ماہرین نفسیات سوڈانی معاشرے میں طلاق کے معاملات کی جانچ کرنے میں مہارت رکھنے والے کمیٹی کے تحت کام کریں گے۔