حمیدتی بہ خیریت ہیں اور اگلے مورچوں پر لڑ رہے ہیں: کمانڈر آر ایس ایف

سوڈان کی منحرف ریپڈ سپورٹ فورسز کے دوسرے کمانڈر عبد الرحیم دقلو نے کہا ہے کہ ریپڈ سپورٹ فورسز کے کمانڈر محمد حمدان دقلو (حمیدتی) خیریت سے ہیں اور وہ اپنی وفادار فورسزکے ساتھ فرنٹ لائن پر لڑ رہے ہیں۔

"جوائنٹ فورس"

ریپڈ سپورٹ فورسز کے دوسرے کمانڈر نے "معزز" سوڈانی فوج کو مخاطب کرتے ہوئے کہا کہ وہ خود مختاری کونسل کے سربراہ اور فوج کے کمانڈر عبدالفتاح البرہان کے خلاف "باہر نکلیں" اورسرحدوں کی حفاظت کے لیے ایک "مشترکہ فورس" تشکیل دیں۔

فوج نے جدہ مذاکرات میں اپنی شرکت معطل کر دی

قابل ذکر ہے کہ سوڈان میں مختصر جنگ بندی میں توسیع کا آج تیسرا دن ہے جس کا اعلان پیر کی شام البرھان کی قیادت میں سوڈانی فوج اور حمیدتی کی قیادت میں ریپڈ سپورٹ فورسز کے درمیان ہوا۔

خبر رساں ادارے ’رائیٹرز‘ کے مطابق بدھ کو سوڈانی سفارتی ذریعے نے مزید تفصیلات بتائے بغیر کہا کہ فوج نے جدہ مذاکرات میں اپنی شرکت معطل کر دی ہے۔

اے ایف پی کے مطابق سوڈانی حکومت کے ایک اہلکار نے وضاحت کی کہ فوج کی یہ موقف ریپڈ سپورٹ فورسز کی ہسپتالوں سے انخلاء سے متعلق شرط پر عمل درآمد میں ناکامی کی وجہ اختیار کیا گیا ہے۔