مصر میں ایک مساج سینٹرسے ایک ڈاکٹر کے اغواء کے واقعے کے بعد وزرات داخلہ نے کہا ہے کہ پولیس نے ڈاکٹر کو بازیاب کرانے کے بعد اس واقعے کے مرتکب افراد کو گرفتار کر لیا ہے۔
واقعہ میں ملوث 8ملزمان
تحقیقات میں بتایا گیا ہے کہ 8 ملزمان نے ڈاکٹر کو اغواء کیا۔ اسے اپنے پاس موجود بینک کارڈ سے رقم نکالنے پر مجبور کیا اور پھر اسے غربیہ کے ایک اپارٹمنٹ میں منتقل کردیا۔
اغوا اور رقم چوری
وزارت نے ایک بیان میں کہا کہ "وزارت داخلہ کی ایجنسیوں اور پولیس کی مدد سے الجیزہ گورنری میں ایک ڈاکٹر کےاغواء کی خبر کے بعد اس کی تلاش شروع کی۔
سکیورٹی سروسز کی تحقیقات کے نتیجے میں 8 افراد کی نشاندہی ہوئی جن میں سے 4 کا سابقہ ریکارڈ بھی مجرمانہ ہے۔ متاثرہ کو اس کی رہائش گاہ سے اغواء کیا گیا تھا۔ اسے مختلف خودکار ٹیلر مشینوں سے رقم نکالنے پر مجبور کیا گیا۔
مصری حکام کا کہنا ہے کہ گرفتار ملزمان نے تفتیش کےدوران اعتراف کیا کہ انہوں نے ڈاکٹر کو پیسوں کے لیے اغواء کیا تھا۔ ان کا کہنا تھا کہ ڈاکٹر مساج کرنے کے لیے ان کے گھربھی آتا رہا ہے۔
