امریکی کانگریس نے ترکیہ کو 40 ایف-16 طیاروں کی فروخت کی منظوری دے دی

پہلی اشاعت: آخری اپ ڈیٹ:
مطالعہ موڈ چلائیں
100% Font Size
دو منٹ read

ترکیہ میں امریکی سفیرنے اعلان کیا ہے کہ کانگریس نے ترکیہ کو F-16 لڑاکا طیاروں کی فروخت کی باضابطہ طورپر"منظوری" دے دی ہے، جس سے اس سلسلے میں واشنگٹن اور انقرہ کے درمیان کئی مہینوں سے جاری مذاکرات ختم ہو گئے ہیں۔

امریکی سفیر جیف فلیک نے انقرہ میں امریکی سفارت خانے کی طرف سے "ایکس" پلیٹ فارم پر شائع ہونے والے ایک پیغام میں کہا کہ "کانگریس کا ترکیہ کو 40 F-16 لڑاکا طیارے اور 79 اپ گریڈیشن کٹس حاصل کرنے کی منظوری دینے کا فیصلہ اہم پیش رفت ہے"۔

26 جنوری کو امریکی حکومت نے 23 بلین ڈالر کے اس معاہدے کی منظوری دی۔

لڑاکا طیاروں کے حوالے سے ترکیہ کی درخواست پر امریکی کانگریس کو اسی دن آگاہ کیا گیا تھا اور اسے مسترد کرنے کے لیے 15 دن کا وقت دیا گیا تھا۔

ایک امریکی اہلکارنے وضاحت کی کہ امریکہ اس وقت تک جنگی طیاروں کو فروخت کرنے پر راضی نہیں ہوا جب تک کہ اسے نیٹو میں سویڈن کے الحاق کی توثیق کرنے کے لیے ترکیہ کی ٹھوس ضمانت نہیں مل جاتی۔

ترک صدر رجب طیب ایردوآن نے سویڈن کی اس اتحاد میں شمولیت کو 20 ماہ کے لیے موخر کر دیا تھا۔ اس نے یہ شرط عائد کی کہ وہ امریکی جنگی طیاروں کی مکمل فروخت تک سویڈن کی نیٹومیں شمولیت کی حمایت نہیں کریں گے۔

مقبول خبریں اہم خبریں

مقبول خبریں