سنگاپور کے جنوب میں واقع سیاحتی جزیرے سینٹوسا پر ہفتے کے روز ایک شپنگ پورٹ پر تیل کے رساؤ کے باعث ساحل بند ہو گئے۔
خبر رساں ادارے’رائٹرز‘ کو ایک عینی شاہد نے بتایا کہ تیل کے رساؤ کے ارد گرد ایک ٹیپ دیکھا گیا ہے۔ تنجنگ بیچ پر آنے والوں کو اس میں داخل ہونے سے روک دیا گیا۔
ساحل کے داخلی راستے پر ایک نشان پر لکھا ہے: "تیل پھیلنے کا پتہ چلا ہے۔ صفائی جاری ہے۔ براہ کرم پانی سے دور رہیں"۔
سینٹوسا کی ویب سائٹ پر ایک وارننگ میں کہا گیا ہے کہ تنجنگ، پالوان اور سائلوسو کے ساحلوں کو صفائی اور تیراکی کے لیے بند کر دیا گیا ہے اور فی الحال سمندری سرگرمیوں کی اجازت نہیں ہے۔
جمعے کی دوپہر کو ایک ڈچ پرچم والے ڈریجر کے ایک سنگاپور کے جھنڈے والے کھڑے جہاز سے ٹکرانے کے بعد تیل کا رساؤ پاسیر پنجانگ اسٹیشن سے پھیل گیا، جو جزیرے سے 10 کلومیٹر سے بھی کم فاصلے پر سیاحوں اور رہائشیوں کے لیے ایک مشہور مقام کے طور پر جانا جاتا ہے۔
سنگاپور کی میری ٹائم اینڈ پورٹس اتھارٹی نے جمعہ کو ایک بیان میں کہا تھا کہ متاثرہ کارگو جہاز کے ٹینک سے پانی میں کچھ تیل کا اخراج ہوا۔ "ٹینک کو الگ تھلگ کر دیا گیا ہے اورلیکج پر قابو پالیا گیا"۔
اس نے ہفتے کے روز ایک نئے بیان میں کہا تھا کہ پاسر پنجنگ اسٹیشن اور تنجنگ، پلوان اور سلوسو کے ساحلوں پر تیل کے دھبے دیکھے گئے۔
اتھارٹی نے مزید کہا کہ"نیویگیشن ٹریفک پر کوئی اثر نہیں پڑا اور پسر پنجنگ اسٹیشن پر ڈاکنگ آپریشنز متاثر نہیں ہوئے"۔
