وقت مطالعہ
گھنٹہ
اسرائیلی ویب سائٹ walla نے آج بدھ کے روز بتایا ہے کہ اسرائیلی فوج کی شمالی کمان لبنان میں زمینی لڑائی کی نقل کرتے ہوئے بری فوج کی مشقیں انجام دے رہی ہے۔
ویب سائٹ کے مطابق مشقوں میں لڑائی کا وہ طریقہ کار بھی شامل ہے جو غزہ کی پٹی میں لاگو کیا گیا۔
دوسری جانب اسرائیلی فوج نے بدھ کے روز تصدیق کی ہے کہ لبنانی تنظیم حزب اللہ نے پہلی مرتبہ ایک میزائل داغا جو تل ابیب تک پہنچا تاہم فضائی دفاعی نظام نے اسے فضا میں روک لیا۔
اس سے قبل اسرائیلی فوج نے بدھ کی صبح اعلان کیا تھا کہ تل ابیب میں خطرے کے سائرن بجائے گئے جب کہ حزب اللہ نے تصدیق کی کہ اس نے تل ابیب کے نزدیک موساد کے صدر دفتر کو نشانہ بنانے کے لیے ایک بیلسٹک میزائل داغا۔
اسرائیلی فوج کا کہنا ہے کہ اس نے جنوبی لبنان میں اس لانچنگ پیڈ کو تباہ کر دیا جہاں سے حزب اللہ کا میزائل داغا گیا تھا۔
