یوکرین پر ٹرمپ کی جانب سے ’مثبت اشارے‘ دیکھ رہے ہیں: کریملن

کریملن نے اتوار کو کہا کہ اسے یوکرین کے بارے میں امریکہ کے نومنتخب صدر ڈونلڈ ٹرمپ کے مؤقف سے "مثبت اشارے" ملے ہیں لیکن اس بات پر خبردار بھی کیا ہے کہ اس بارے میں پیش گوئی کرنا مشکل ہے کہ ان کا دفتر میں کیسا رویہ ہو گا۔

اتوار کو سرکاری میڈیا میں شائع ہونے والے ایک انٹرویو میں کریملن کے ترجمان دمتری پیسکوف نے کہا، "ان کی طرف سے اشارے مثبت ہیں۔ ٹرمپ نے اپنے انتخاب کے دوران اس بارے میں بات کی کہ وہ ہر چیز کو معاہدوں کے ذریعے کیسے سمجھتے ہیں، وہ ایک ایسا معاہدہ کر سکتے ہیں جو امن کا باعث بن سکے۔"

لیکن پیسکوف نے کہا، یہ پیش گوئی کرنا مشکل ہے کہ "وہ کس حد تک ان بیانات پر قائم رہیں گے جو انہوں نے انتخابی مہم کے دوران دیئے۔"