برازیل کے سیاحتی شہر میں چھوٹا طیارہ گر کر تباہ، کم از کم 10 افراد ہلاک
حادثے کی وجہ معلوم نہیں ہوئی، عمارات اور دکانوں کو بھی نقصان پہنچا
برازیل میں مقامی شہری دفاع کے حکام نے بتایا کہ ایک چھوٹا طیارہ جس میں 10 افراد سوار تھے، اتوار کے روز جنوبی برازیل کے سیاحتی شہر گراماڈو کے مرکز میں دکانوں سے ٹکرا گیا اور ابتدائی اطلاعات کے مطابق کوئی بھی اس حادثے میں زندہ نہیں بچا۔
گورنر ایڈورڈو لیٹی نے ایکس پر ایک پوسٹ میں کہا، "بدقسمتی سے ابتدائی اطلاعات سے پتہ چلتا ہے کہ طیارے میں سوار افراد زندہ نہیں بچ سکے۔"
ریاست کے تحفظِ عامہ کے دفتر نے بتایا کہ کم از کم 15 افراد کو شہر کے سپتال لے جایا گیا جن میں سے زیادہ تر حادثے سے لگنے والی آگ کے دھوئیں میں دم گھٹنے سے ہلاک ہوئے۔
حکام نے بتایا کہ طیارہ مبینہ طور پر ایک فرنیچر کی دکان میں تباہ ہو جانے سے پہلے ایک عمارت کی چمنی اور پھر ایک گھر کی دوسری منزل سے ٹکرایا۔ اس کا ملبہ ایک قریبی سرائے تک بھی جا پہنچا۔
ایک پہاڑی علاقے میں واقع ریو گرانڈے ڈو سل، گراماڈو کا مشہور ترین سیاحتی مقام ہے جو اس سال کے شروع میں ایک خوفناک سیلاب سے بری طرح متأثر ہوا تھا جس میں درجنوں جانیں ضائع ہوئیں، بنیادی ڈھانچہ تباہ ہو گیا اور ریاست کی معیشت نمایاں طور پر متأثر ہوئی تھی۔
یہ حادثہ کرسمس سے چند روز قبل پیش آیا ہے جو شہر کے لیے خاص طور پر ایک مصروف موقع ہوتا ہے۔ شہر روایتی طور پر آرائش سے مزین ہوتا ہے اور تہوار کی تقریبات منعقد ہوتی ہیں۔
