منشیات کیس میں ملوث روس کا ایک سابق کھلاڑی یوکرین کی جنگ میں ہلاک

سابق بین الاقوامی فٹ بال کھلاڑی الیکسی بوگائیف کے والد نے پیر کو تصدیق کی کہ ان کا بیٹا روس اور یوکرین کے درمیان جنگ میں لڑتے ہوئے مارا گیا تھا۔

تینالیس سالہ سابق روسی کھلاڑی منشیات کی اسمگلنگ کے جرم میں 10 سال قید کی سزا سنائے جانے کے چند ماہ بعد اپنے ملک کی افواج میں شمولیت اختیار کی۔

رپورٹس بتاتی ہیں کہ 2004ء کے یورپی کپ کے دوران روس کی نمائندگی کرنے والے اور 2010 میں 29 سال کی عمر میں ریٹائر ہونے والے بگائیف تقریباً آدھا کلوگرام منشیات فروخت کرنے کی کوشش کر رہے تھے۔ اس کیس میں اسے 20 سال قید کی سزا ہو سکتی تھی۔

منشیات کی اسمگلنگ کے جرم میں سزا پانے کے بعد بگائیف جو نومبر 2023ء سے حراست میں تھے نے روسی فوج کی صفوں میں لڑنے کا عہد کیا۔

سابق کھلاڑی کے والد نے ان کی موت کی خبر کی تصدیق کرتے ہوئے برطانوی اخبار "ڈیلی میل" کے بیان میں کہاکہ الیکسی کی موت کی خبر کل پیر کوسامنے آئی۔

بوگائیف کے وکیل نے انکشاف کیا کہ 43 سالہ کھلاڑی کی لاش تدفین کے لیے واپس نہیں کی گئی تھی۔

سابق لوکوموٹیو ماسکو اور کراسنوڈار اسٹار نے اپنے کیریئر کے دوران روسی قومی ٹیم کے ساتھ سات میچوں میں حصہ لیا، اور آخری بار 2005 میں اٹلی کے خلاف میدان میں اپنے ملک کی نمائندگی کی تھی۔