میسی نے کیسے ایک ریفری کی توہین کی اور اس پر حملہ کردیا

ہسپانوی پریس رپورٹس میں انکشاف ہوا ہے کہ لیونل میسی نے اتوار کو نیویارک سٹی کے خلاف انٹر میامی کے میچ کے ریفری کی توہین کی اور میچ کے بعد اس پر حملہ بھی کردیا۔ اس حوالے سے سامنے آنے والی ویڈیو میں دکھایا گیا کہ ارجنٹائن کے فٹ بال سٹار نے میچ کے بعد ریفری کو گردن سے پکڑ لیا۔ انٹر میامی کا نیو یارک سٹی کے ساتھ 2-2 سے مقابلہ برابر رہا لیکن سابق فٹ بال کھلاڑی میسی کافی ناراض نظر آئے۔

سوشل میڈیا پر پھیلی ویڈیو کلپس میں میسی کو یلو کارڈ دینے سے پہلے ریفری پر پُرتشدد حملہ کرتے ہوئے دکھایا گیا۔ میسی نے اس پر اعتراض جاری رکھا اور اسسٹنٹ ریفری کے پاس گیا اور پھر میچ کے بعد اسے گردن سے پکڑ لیا۔ اس ویڈیو نے بارسلونا کے سابق کھلاڑی کے غیر معمولی رویے پر بڑا تنازع پیدا کردیا ہے۔

ہسپانوی اخبار "مارکا" نے خبر دی ہے کہ میسی میچ ختم ہونے کے بعد ریفری سے واضح طور پر ناراض تھے اور انہوں نے میچ کے دوران کئی فیصلوں پر ان کی سرزنش کی۔ ہسپانوی اخبار نے رپورٹ کیا کہ میسی نے ریفری سے کہا کہ تم بزدل ہو۔