امریکی صدر ڈونلڈ ٹرمپ نے سعودی عرب کے شہر جدہ میں یوکرینی عہدے داران کے ساتھ مقررہ مذاکرات کے حوالے سے اپنی ملک کے کامیاب نتائج تک پہنچنے کی توقع ظاہر کی ہے۔ ٹرمپ کا کہنا ہے کہ "مجھے یقین ہے کہ ہم اس بات چیت کے حوالے سے اچھے نتائج تک پہنچیں گے۔"
ادھر یوکرینی صدر ولادی میر زیلنسکی سعودی عرب کا دورہ کر رہے ہیں۔ وہ سعودی ولی عہد شہزادہ محمد بن سلمان سے ملاقات کریں گے جب کہ یوکرین کا مذاکراتی وفد امریکی شراکت داروں کے ساتھ کام کرنے کے لیے سعودی عرب میں رہے گا۔
سعودی وزارت خارجہ نے آئندہ ہفتے جدہ میں مقررہ امریکہ یوکرین ملاقات کی میزبانی کو خوش آئندہ قرار دیا ہے۔ وزارت نے باور کرایا ہے کہ سعودی عرب یوکرین کے بحران کے خاتمے کے لیے مستقل امن کے حصول کی کوششیں جاری رکھے گا۔ سعودی عرب نے گذشتہ تین برسوں میں اس سلسلے میں کئی ملاقاتوں کی میزبانی کے ذریعے ان کوششوں کا سلسلہ جاری رکھا۔
