جیف بیزوس کی شادی کی تقریب محدود ہوگی: اطالوی شہر وینس، گردش کرنیوالی خبروں کی تردید

ہفتہ کے روز میونسپلٹی آف وینس نے امریکی ارب پتی جیف بیزوس کی اطالوی شہر میں ہونے والی شادی کے حوالے سے گردش کرنے والی گمراہ کن معلومات کی مذمت کرتے ہوئے زور دیا کہ اس میں شرکت صرف 200 مہمانوں تک محدود رہے گی۔ ایمازون کے بانی اور ان کی منگیتر صحافی لارین سانچیز اگلے جون کے آخر میں وینس میں شادی کرنے والے ہیں۔ اس شہر نے دس سال قبل ہالی ووڈ سٹار جارج کلونی اور وکیل امل عالم الدین کی شادی کی میزبانی کی تھی۔

ایک اطالوی اخبار نے حال ہی میں کہا تھا کہ بیزوس کی شادی تین دن تک جاری رہے گی جس میں ہر شام 250 مہمانوں کے ساتھ مسلسل پارٹیوں کا انعقاد کیا جائے گا۔ ممکن ہے کہ امریکی صدر ڈونلڈ ٹرمپ اس میں شرکت کریں گے۔ افواہوں میں بتایا گیا کہ اس موقع کے لیے پانچ ہوٹل بک کیے گئے ہیں، ٹیکسی کشتیوں کے ایک بڑے بیڑے کے علاوہ ارب پتی کی ملکیت ایک بڑی کشتی بھی استعمال کی جائے گی۔

میونسپلٹی آف وینس نے ایک بیان میں تصدیق کی ہے کہ جیف بیزوس کی شادی کے حوالے سے گردش کرنے والی بہت سی قیاس آرائیاں اور جھوٹی خبریں بے بنیاد ہیں۔ انہوں نے مزید کہا صرف 200 مہمانوں کو مدعو کیا گیا ہے۔ اس لیے وینس کے لیے شہر، اس کے رہائشیوں اور اس کے آنے والوں کو کسی قسم کی تکلیف کے بغیر اس تقریب کی میزبانی کرنا آسان ہوگا۔