"دل میں اکثر کسی کو مارنے کی خواہش ہوتی ہے": ہمیشہ پُر سکون نظر آنے والے ولادیمیر پوتین

روسی صدر "ولادیمیر پوتین" جو ہمیشہ پرسکون، متوازن اور سنجیدہ انداز میں جلوہ گر ہوتے ہیں، نے ایک ایسا انکشاف کیا ہے جو ان کی شخصیت کے اس پہلو کو جھٹلاتا ہے۔ ان کا کہنا ہے کہ "ظاہری سرد مزاج کے باوجود ان کے دل میں اکثر کسی کو "پٹائی" کی خواہش جاگتی ہے، تاہم وہ ہمیشہ خود پر قابو پانے میں کامیاب رہے ہیں"۔

پوتین نے یہ بات روسی صحافی "پاول زاروبین" کو دیے گئے ایک خصوصی انٹرویو میں کہی، جو دستاویزی فلم "روس، کریملن، پوتین: 25 سال" کے لیے ریکارڈ کرایا۔

انہوں نے مسکراتے ہوئے کہا: "ہاں، اکثر دل چاہتا ہے کہ کسی کو ماروں، لیکن میں اس خواہش پر قابو پا لیتا ہوں۔"

"25 سال کی قیادت پر کوئی پچھتاوا نہیں"

اسی گفتگو کے دوران پوتین نے دعویٰ کیا کہ 25 سالہ اقتدار میں انہوں نے کبھی پچھتاوا محسوس نہیں کی۔

انہوں نے کہا کہ "میں نے کبھی پشیمان نہیں ہویا کہ میں روس کا صدر کیوں بنا"۔

یہ انکشافات اس وقت منظرِ عام پر آئے جب روس میں "یومِ فتح" (Victory Day) کی تیاریوں کا آغاز ہو چکا ہے۔ اس موقع پر مذکورہ فلم "رشیا-1" چینل پر نشر کی جائے گی۔

سات مئی: پوتین کے لیے علامتی دن

خیال رہے کہ سات مئی ولادیمیر پوتین کے لیے ایک علامتی اور یادگار دن ہے۔ یہی وہ تاریخ ہے جب انہوں نے پہلی بار سال 2000 میں روس کی صدارت سنبھالی۔ وقفے کے بعد وہ دوبارہ اسی تاریخ کو 2012 میں صدر بنے۔

ولادی میر پوتین کا تعارف

ولادیمیر پوتین 7 اکتوبر 1952ءکو سینٹ پیٹرزبرگ(سابقہ لینن گراڈ) میں پیدا ہوئے۔ انہوں نے لینن گراڈ یونیورسٹی سے قانون کی تعلیم حاصل کی اور پھر سولہ سال تک سوویت خفیہ ایجنسی KGB میں بطور افسر خدمات انجام دیں، جہاں وہ لیفٹیننٹ کرنل کے عہدے تک پہنچے۔ بعدازاں 1991 میں انہوں نے انٹیلیجنس سروس سے استعفیٰ دے کر سیاست میں قدم رکھا۔