اسرائیلی فوج نے بدھ کے روز شامی دارالحکومت دمشق پر کیے گئے فضائی حملوں کی ویڈیوز جاری کر دی ہیں۔
اسرائیلی فوج کے ترجمان افیخائی ادرعی نے سماجی رابطوں کے پلیٹ فارم "ایکس" پر جاری بیان میں کہا کہ "فوج دمشق میں شامی حکومت کے عسکری اہداف کو نشانہ بناتی رہی ہے"۔
#عاجل 🔴 جيش الدفاع يواصل ضرب أهداف عسكرية للنظام السوري في دمشق
— افيخاي ادرعي (@AvichayAdraee) July 16, 2025
🔴هاجم جيش الدفاع قبل قليل مقر الأركان العامة التابع للنظام السوري في منطقة دمشق.
🔴يدير قادة النظام السوري من مقر الأركان العامة في دمشق القتال ويقومون بإرسال قوات النظام إلى منطقة السويداء.
🔴كما تمت مهاجمة… pic.twitter.com/Kw3D6nqt7E
انہوں نے مزید بتایا کہ "فوج نے کچھ دیر قبل دمشق میں قائم شامی جنرل ہیڈکوارٹر کو نشانہ بنایا ہے"۔
ادرعی کا کہنا تھا کہ "شامی حکومت کے اعلیٰ عسکری قائدین دمشق کے جنرل ہیڈکوارٹر سے لڑائی کی نگرانی کرتے ہیں اور السویداء میں فورسز کی تعیناتی کے احکامات بھی یہی سے جاری کیے جاتے ہیں"۔
انہوں نے دعویٰ کیا کہ "دمشق میں واقع صدارتی محل کے قریب ایک فضائی ہدف کو بھی نشانہ بنایا گیا ہے"۔
فوجی ترجمان کے مطابق "اسرائیلی فوج جنوبی شام میں شہریوں کے خلاف ہونے والی سرگرمیوں پر مسلسل نظر رکھے ہوئے ہے اور سیاسی قیادت کی ہدایت پر اہداف کو نشانہ بناتی ہے جبکہ مختلف ممکنہ حالات کے لیے ہائی الرٹ پر ہے"۔
یاد رہے کہ حالیہ دنوں میں شام کے جنوبی شہر السویداء میں مقامی قبائل اور ملیشیا گروہوں کے درمیان شدید جھڑپیں ہوئیں، جن میں 100 سے زائد افراد ہلاک ہو چکے ہیں۔
