وینزویلا کی اولمپک ایتھلیٹ جوزلین بریا نے کیرکس میں 10 کلومیٹر کی دوڑ میں حصہ لے کر سب کو حیران کر دیا کیونکہ انہوں نے سات ماہ کی حاملہ ہونے کے باوجود دوڑ میں حصہ لیا۔ 31 سالہ دوڑاکو نے 10 کلومیٹر کی دوڑ 40 منٹ اور 31 سیکنڈ میں مکمل کی۔ انہوں نے تقریباً 4 منٹ فی کلومیٹر کی رفتار سے اپنی دوڑ مکمل کی۔ بریا نے دوڑ میں سب کی توجہ اپنی جانب کھینچ لی اور مداحوں نے ان کی خوب ہمت افزائی کی۔ دیگر مقابلہ کرنے والے انہیں حیرت سے دیکھ رہے تھے کیونکہ وہ حمل کے آخری مراحل میں تھیں۔
Brea SIN LIMITES!
— Jhoan Ulloa (TuFlashDeportes) (@tuflashdeportes) October 8, 2025
La venezolana Joselyn Brea (atleta olímpica), corrió un 10k en su séptimo mes de embarazo con un tiempo de 40 minutos y 31 segundos.#tuflashdeportes #tiktokdeportes #venezuela #maratongatorade #maraton pic.twitter.com/eTRcUNdVKh
وینزویلا کی اس ایتھلیٹ، جنہوں نے پیرس 2024 اولمپکس میں حصہ لیا اور 5000 میٹر فائنل تک پہنچی تھیں، نے اپنے سوشل میڈیا اکاؤنٹس پر تصاویر پوسٹ کیں اور اس بات کی تصدیق کی کہ انہوں نے اپنے پسندیدہ ساتھی کے ساتھ اپنی پسندیدہ دوڑ میں حصہ لیا۔ واضح رہے کہ بریا نے پچھلے سال یہ دوڑ جیتی تھی جبکہ ان کی بہن ایدیمار بریا نے 2025 کا گولڈ میڈل جیتا تھا۔ وینزویلا کی یہ خاتون کھلاڑی 1500 میٹر اور 5000 میٹر کی دوڑوں میں کئی کامیابیاں اور قومی ریکارڈ اپنے نام کر چکی ہیں۔
