کیمسٹری میں نوبل انعام 2025 کے فاتح اور سعودی/فلسطینی سائنسدان پروفیسر عمر یاغی نے سائنسی تحقیق اور اختراع کی غیر متزلزل حمایت کرنے پر مملکت کی قیادت کا تہہِ دل سے شکریہ ادا کیا۔
سعودی پریس ایجنسی (ایس پی اے) کے شائع کردہ تبصروں میں یاغی نے اپنے سائنسی سفر کی مسلسل حوصلہ افزائی کرنے کے لیے سعودی ولی عہد شہزادہ محمد بن سلمان کا شکریہ ادا کیا۔ انہوں نے کہا کہ یہ تاریخی سنگِ میل حاصل کرنے میں ان کی حمایت اور معاونت نے "اہم کردار" ادا کیا۔
یاغی نے اعتراف کیا کہ کنگ عبدالعزیز سٹی فار سائنس اینڈ ٹیکنالوجی (کے اے سی ایس ٹی) نے کے اے سی ایس ٹی–یو سی برکلے سنٹر آف ایکسی لینس کے ذریعے ان کی طویل المدت حمایت کی جسے انہوں نے اپنی کامیابی میں نہایت اہم قرار دیا۔
ایس پی اے کے مطابق یاغی نے کہا، "یہ اعزاز حاصل کرنا میرے لیے اور دنیا کے تمام سعودی اور عرب سائنسدانوں کے لیے بہت بڑا اعزاز ہے۔"
انہوں نے اس امید کا اظہار کیا ہے کہ "یہ کامیابی سعودی اور عرب نوجوانوں کی آئندہ نسل کو تحقیق اور جدت طرازی میں کمال حاصل کرنے کی ترغیب دے گی۔"
ریٹیکیولر کیمسٹری کے علمبردار پروفیسر یاغی نوبل انعام جیتنے والے پہلے سعودی شہری ہیں۔ یہ اہم شعبہ توانائی، ماحولیات، پانی صاف کرنے اور کاربن کو گرفت میں لانے میں ایپلی کیشنز کے ساتھ کرسٹلائن فریم ورک ڈیزائن کرتا ہے۔
