سعودی عرب کی وزارتِ صحت نے ایک ایسے معالج کو طلب کر کے اس سے وضاحت طلب کی ہے جو ایک خلیجی ٹی وی چینل پر نمودار ہوا اور اس نے اپنے انٹرویو میں خاندانی روابط اور سماجی اقدار سے متعلق ایسے خیالات پیش کیے جو مملکت میں نافذ ضابطہ اخلاق اور پیشہ ورانہ ذمہ داریوں کے منافی سمجھے گئے۔
وزارتِ صحت نے واضح کیا کہ ہیلتھ پریکٹیشنر کے ضابطہ اخلاق میں یہ بات صراحت سے درج ہے کہ معالج کو ہمیشہ پیشہ ورانہ طور پر مستند اور قابلِ اعتماد رائے پیش کرنی چاہیے۔ اگر وہ اپنی ذاتی رائے یا ایسی رائے بیان کر رہا ہو جو پیشہ ورانہ اصولوں سے مختلف ہو تو اسے مستفید ہونے والوں پر یہ بات واضح کرنا ضروری ہے۔
وزارت نے تمام طبی خدمات سے منسلک ڈاکٹروں کو تنبیہ کی کہ وہ اپنے شعبے کی اخلاقی اور پیشہ ورانہ حدود کا احترام کریں اور مملکت کے صحت سے متعلق قوانین و ضوابط کی مکمل پابندی کریں تاکہ مریضوں کو فراہم کی جانے والی صحت خدمات پر اعتماد اور ان کی ساکھ برقرار رہ سکے۔
