بچوں کے لیے محفوظ فون ... HMD کا پہلا ہائبرڈ ڈیوائس متعارف

موبائل بنانے والی کمپنی HMD نے HMD Touch 4G ماڈل کے اجرا کے دو ماہ سے بھی کم عرصے بعد بچوں کے لیے ایک نیا آلہ متعارف کرایا ہے۔ یہ آلہ ناروے کی کمپنی Xplora کے تعاون سے تیار کیا گیا ہے، یہ کمپنی بچوں کے لیے اسمارٹ واچ مارکیٹ میں مہارت رکھتی ہے۔

نیا فون Xplora One کے نام سے آیا ہے اور یہ اسمارٹ فون اور روایتی موبائل فون کی خصوصیات کو بچوں کے لیے محفوظ اور دوستانہ ڈیزائن میں پیش کرتا ہے۔

اس سلسلے میں gsmarena ویب سائٹ پر جاری رپورٹ کا جائزہ العربیہ بزنس نے لیا ہے۔ اس کے مطابق Xplora One ظاہری طور پر Touch 4G سے ملتا جلتا ہے۔ اس میں ایک چھوٹی ٹچ اسکرین، سیلفی کے لیے فرنٹ کیمرا اور سامنے ایک مرکزی بٹن ہے جبکہ پچھلی جانب ایک کیمرا اور LED فلیش موجود ہے۔

فون کے بائیں جانب حقیقی SIM سلاٹ، دائیں جانب پاور اور والیوم بٹن، اوپر 3.5 ملی میٹر ہیڈفون جیک اور ایک اضافی بٹن دیا گیا ہے۔

یہ فون ننھے صارفین (بچوں) کو کال کرنے اور وصول کرنے اور ٹیکسٹ اور وائس میسجز بھیجنے کی سہولت دیتا ہے۔

یہ مکمل طور پر محفوظ بنایا گیا ہے : اس میں وسیع پیرنٹل کنٹرولز ہیں اور یہ تھرڈ پارٹی ایپس، ویب براؤزر یا سوشل میڈیا ایپس کو سپورٹ نہیں کرتا، تاکہ بچوں کے لیے محفوظ ڈیجیٹل ماحول فراہم کیا جا سکے۔

وقع ہے کہ HMD اور Xplora جلد مزید تفصیلات پیش کریں گے، بشمول تکنیکی خصوصیات اور قیمت ... تاکہ بچوں کے لیے دستیاب آلات کے انتخاب کو بڑھایا جا سکے۔