ٹرمپ: مجھے 'عظیم' فٹ بالر کرسٹیانو رونالڈو کا فون آیا

امریکی صدر ڈونلڈ ٹرمپ نے ہفتے کے روز کہا کہ فٹبال سٹار اور سعودی فٹ بال کلب النصر کے کھلاڑی کرسٹیانو رونالڈو نے انہیں فون کال کی اور گذشتہ ماہ وائٹ ہاؤس کے دورے پر ان کا شکریہ ادا کیا۔

ٹرمپ نے کہا کہ "عظیم" فٹ بالر رونالڈو نے وائٹ ہاؤس اور اوول آفس کے دورے پر شکریہ ادا کرنے کے لیے انہیں "فون کیا"۔

"نہ صرف ایک ایتھلیٹ بلکہ ایک شخص کے طور پر بھی وہ ایک ناقابلِ یقین انسان ہیں۔ کوئی اس سے زیادہ بہتر نہیں ہو سکتا!!!" ٹرمپ نے ٹروتھ سوشل پر ایک پوسٹ میں کہا۔

امریکہ کا دورہ کرنے والے سعودی ولی عہد شہزادہ محمد بن سلمان کے اعزاز میں ایک سرکاری عشائیہ میں امریکی صدر نے نومبر میں رونالڈو اور ان کی ساتھی جارجینا رودریگز کی دعوت کی تھی۔

رونالڈو اور رودریگز نے ٹرمپ سے الگ ملاقات بھی کی۔

اس وقت وائٹ ہاؤس نے "پریزیڈینشل واک آف فیم" سے گذرتے ہوئے ان تینوں کی ایک ویڈیو پوسٹ کی تھی جبکہ رونالڈو نے بھی اوول آفس میں ٹرمپ کے ساتھ کی گئی تصاویر پوسٹ کیں۔