سعودی عرب میں "مسک آرٹس ویک" میں فنکارانہ اور سائنسی اجتماعات کی میزبانی

محمد بن سلمان نان پرافٹ فاؤنڈیشن کے تحت کام کرنے والے ادارے "مسک انسٹی ٹیوٹ آف آرٹس" نے اپنے نویں ایڈیشن میں "مسک آرٹس ویک" میں تعلیمی پروگراموں اور تخلیقی جستجو میں دلچسپی رکھنے والوں کو 75 پروگراموں کے نتائج کے گرد جمع کیا ہے۔ یہ پروگرام شرکا کو سائنس، سیکھنے اور تخلیقی فنون تک آسان رسائی فراہم کر رہا ہے۔

"مسک آرٹس ویک" چھ دنوں پر محیط فن اور فنکاروں کا جشن منا رہا اور یہ نمائشوں، لائیو پرفارمنسز، خصوصی ورکشاپس اور عوامی پروگراموں کے ذریعے تخلیقی دریافت اور تعامل کے لیے ایک وسیع پلیٹ فارم بن رہا ہے۔ اس اقدام میں احتیاط سے منتخب کیے گئے فنکارانہ تجربات کے ذریعے فن کی مختلف شکلوں کے ساتھ براہ راست تعامل کیا جاتا ہے۔

براہ راست رابطہ

اس ایونٹ میں آرٹ اینڈ ڈیزائن مارکیٹ شامل ہے اور یہ فنکاروں اور ڈیزائنرز کے کاموں کی نمائش کرتا ہے۔ زائرین کو منفرد فن پاروں کو جاننے، تخلیقی صلاحیتوں کے ساتھ براہ راست بات چیت کرنے اور فنکارانہ اظہار کا جشن مناتے ہوئے ایک تجدید شدہ فنی تجربے سے گزرنے کا موقع فراہم کرتا ہے۔

کامیابی کا جشن

مسک انسٹی ٹیوٹ آف آرٹس کی خاتون سی ای او ریم السلطان بھی نو سال سے جاری "مسک آرٹس ویک" کو سب سے اہم تخلیقی پلیٹ فارمز میں سے ایک سمجھتی ہیں۔ ریم السلطان نے کہا یہ فنکار کو معاشرے کے ساتھ ان کی کامیابیوں کا جشن منانے اور فن کے ساتھ براہ راست تعامل کا موقع فراہم کرنے کے لیے اکٹھا کرتا ہے۔ ریم السلطان نے زور دیا کہ اس سال کا موجودہ ایڈیشن فنکاروں اور زائرین کی ایک وسیع رینج کو اپنی طرف متوجہ کر رہا ہے جو اس متحرک پلیٹ فارم کے ذریعے اپنی تخلیقات کی نمائش کے لیے ایک جگہ تلاش کرتے ہیں۔اس سے سامعین کو غور و فکر، تجربہ اور تخلیقی صلاحیتوں کی ترغیب کے لیے ایک وسیع تر تجربہ حاصل ہوتا ہے۔

ویژن کی مضبوطی

اسی تناظر میں ریم السلطان نے کہا کہ ایک کھلا ماحول تیار کرنا جہاں فنکارانہ اظہار پروان چڑھتا ہو تخلیقی طور پر پھلتے پھولتے معاشرے کی تشکیل میں مسک انسٹی ٹیوٹ آف آرٹس کے وژن کو مضبوط کرتا اور سب کے لیے فنون سے مستفید ہونے کا راستہ کھولتا ہے۔ یہ ایونٹ مملکت کے اندر اور باہر فنکارانہ منظرنامے کی ترقی کی حمایت کر رہا ہے۔ "مسک آرٹس ویک 2025" عملی فنکارانہ تجربات پیش کر رہا ہے جو شرکاء کو متعدد تخلیقی طریقوں کو دریافت کرنے اور فنی کام کی پیداوار کے عمل میں براہ راست شامل ہونے کی اجازت دیتا ہے۔

تخلیقی صلاحیت کی دریافت

اس ایونٹ میں فنون کی ورکشاپس کی قیادت فنکاروں کا ایک منتخب گروہ کر رہا ہے جو ایک معاون ماحول میں شرکاء کو مختلف تکنیکوں اور مواد سے متعارف کراتے ہیں جو اعتماد کے ساتھ تجربہ کرنے اور تخلیقیت کے نئے افق کو دریافت کرنے کی حوصلہ افزائی کرتا ہے۔

تعلق کا فروغ

"مسک آرٹس ویک" ایک تعلیمی اقدام کے آغاز کے لیے ایک جگہ مختص کرتا ہے جس کا مقصد آنے والی نسلوں کے فنون اور ثقافت سے تعلق کو مضبوط کرنا اور ان کے لیے تخلیقی اظہار کے افق کو کھولنا ہے۔ یہ سب ہفتے کے پروگراموں کے دوران منعقد ہونے والے معلوماتی دوروں اور تعلیمی سرگرمیوں کے ذریعے ہوگا ۔ اس اقدام کا مقصد 600 سے زیادہ طلبہ کو خوش آمدید کہنا ہے۔

مسک آرٹس کی وابستگی

اس سال "مسک آرٹس ویک " مختلف شعبوں کی نمائندگی کرنے والے شراکت داروں کے تعاون سے منعقد ہو رہا ہے۔ 2017 میں اپنے آغاز کے بعد سے اس نے تخلیقی صلاحیتوں کی حمایت اور فنکاروں کو ان کے معاشرے کے سفیروں کے طور پر منانے کے لیے ایک سرکردہ پلیٹ فارم کے طور پر اپنی پوزیشن مضبوط کی ہے۔

وسیع شراکتیں

شراکت داری کے دائرے کو وسعت دینے اور ایک بھرپور اور متنوع ثقافتی پروگرام پیش کرنے کے ذریعے اس سال کا ایڈیشن فنی اور ثقافتی شرکت کو گہرا کرنے، ایک پھلتے پھولتے تخلیقی معاشرے کی ترقی کی حمایت کرنے اور فن کو سب کے لیے قابل رسائی بنانے میں اپنا حصہ ڈال رہا ہے۔