ایران کے ملک گیر مظاہروں میں کم از کم 6,126 افراد ہلاک ہوئے: کارکنان

کارکنان نے منگل کو بتایا کہ ایران کے ملک گیر مظاہروں کے خلاف کریک ڈاؤن میں کم از کم 6,126 افراد ہلاک ہوئے اور کئی لوگوں کی ہلاکت کا خدشہ بدستور موجود ہے۔

امریکہ میں قائم ہیومن رائٹس ایکٹوسٹ نیوز ایجنسی کی جانب سے یہ نئے اعداد و شمار سامنے آئے ہیں۔ یہ گروپ ایران میں موجود سرگرم کارکنان کے نیٹ ورک سے ہر ہلاکت کی تصدیق کرتا ہے۔

ایسوسی ایٹڈ پریس آزادانہ طور پر ہلاکتوں کی تعداد کا اندازہ لگانے سے قاصر ہے کیونکہ حکام نے انٹرنیٹ بند کر رکھا ہے اور ملک میں رابطوں میں دشواری ہو رہی ہے۔

ایران کی حکومت نے ہلاک شدگان کی تعداد 3,117 بتائی ہے جو خاصی کم ہے۔ اس کے مطابق 2,427 عام شہری اور سکیورٹی فورسز کے ارکان تھے اور باقی کو "دہشت گرد" قرار دیا گیا ہے۔ ماضی میں ایران کی کٹر مذہبی حکومت نے بدامنی سے ہونے والی ہلاکتیں کم بتائیں یا ان کی اطلاع ہی نہیں دی گئی۔