وقت مطالعہ
گھنٹہ
سعودی عرب کے وزیر خارجہ شہزادہ فیصل بن فرحان نے اپنے افغان ہم منصب امیر خان متقی سے ٹیلیفون پر تبادلہ خیال کیا۔
گفتگو کے دوران انہوں نے حالیہ علاقائی پیش رفت اور کشیدگی میں کمی کے لیے کی جانے والی کوششوں پر تبادلہ خیال کیا تاکہ خطے میں امن اور استحکام کے حصول میں مدد مل سکے۔
خیال رہے کہ دونوں ممالک کے وزرائے خارجہ کے درمیان یہ ٹیلیفونک رابطہ ایک ایسے وقت میں ہوا ہے جب گذشتہ روز سے پاکستان اور افغانستان کے درمیان سخت کشیدگی پائی جا رہی ہے۔ افغانستان کی طرف سے پاکستان کی سرحدی علاقوں میں گولہ باری کے بعد جمعہ کے روز پاک فوج نے جوابی کارروائی کی جس میں افغانستان کے اندر فوجی مراکز کو نشانہ بنائے جانے کی اطلاعات ہیں۔
اس کشیدگی پر سعودی عرب نے دونوں پڑوسی ممالک سے تحمل کا مظاہرہ کرنے اور بات چیت کےذریعے مسائل کے حل پر زور دیا ہے۔
