وقت مطالعہ
گھنٹہ
سعودی وزیر خارجہ شہزادہ فیصل بن فرحان بن عبداللہ نے اپنے بھارتی ہم منصب ڈاکٹر سبرامنیم جے شنکر سے ملاقات کی۔
یہ ملاقات جمعے کے روز فرانس کے علاقے وو ڈی سیرنی میں منعقدہ جی سیون (G-7) کے وزارتی اجلاس میں سعودی وزیر کی شرکت کے موقع پر ہوئی۔
ملاقات کے دوران دونوں ممالک کے درمیان دو طرفہ تعلقات اور مختلف شعبوں میں انھیں مزید مضبوط و مستحکم کرنے کے طریقوں کا جائزہ لیا گیا۔ نیز علاقائی و بین الاقوامی منظر نامے کی تازہ ترین صورت حال اور باہمی دل چسپی کے امور پر تبادلہ خیال کیا گیا۔
ملاقات میں فرانس میں سعودی عرب کے سفیر فہد بن معيوف الرويلی اور سعودی وزیر خارجہ کے دفتر کے ڈائریکٹر جنرل ولید بن عبدالحمید السماعیل بھی موجود تھے۔
