وقت مطالعہ
گھنٹہ
سعودی وزارتِ داخلہ نے آج میزائلوں اور دشمن ڈرونز کو روکنے کی کارروائیوں ان کی تصاویر بنانے یا ان سے متعلق معلومات نشر اور شیئر کرنے سے خبردار کیا ہے۔
ساتھ ہی یہ بھی تنبیہ کی کہ ایسا کرنے والے افراد قانونی کارروائی کا سامنا کر سکتے ہیں۔
دوسری جانب سعودی عرب نے مشتبہ فضائی سرگرمیوں کی اطلاع دینے کے لیے قومی ایپ "توکلنا" کے ذریعے ایک سروس متعارف کرائی ہے۔
یہ سروس مملکت میں موجود شہریوں اور مقیم افراد کو اس بات کا موقع فراہم کرتی ہے کہ وہ کسی بھی مشتبہ فضائی مشاہدے (جیسے ڈرون یا میزائل) کی فوری اطلاع دیں، تاکہ یہ اطلاعات کم سے کم وقت میں متعلقہ حکام تک پہنچ سکیں اور بروقت کارروائی کے ذریعے ملک اور اس کے وسائل کا تحفظ یقینی بنایا جا سکے۔
