مکہ مکرمہ: کسوۂ کے نچلے حصے کو اٹھانے کے کام مکمل
کسوۂ کی حفاظت کو یقینی بنانا اور اسے چھونے یا نقصان پہنچنے سے بچانا
حرمین شریفین کے امور کی نگرانی کرنے والی جنرل اتھارٹی نے آج خانۂ کعبہ کے غلاف (کسوہ) کے نچلے حصے کو تین میٹر تک اٹھانے کا عمل مکمل کر لیا، جو حج 1447ھ کے استقبال کی جاری تیاریوں کا حصہ ہے۔
اس عمل میں کسوہ کے نچلے حصوں کو کھولنا، کونوں کو الگ کرنا، پھر اسے تین میٹر کی بلندی تک اٹھا کر مضبوطی سے باندھنا شامل تھا۔
اس کے ساتھ سفید کپڑا لگایا گیا اور قندیلوں کو دوبارہ ان کی مخصوص جگہوں پر نصب کیا گیا۔ یہ تمام مراحل نہایت منظم اور باریک بینی سے انجام دیے گئے۔
اتھارٹی کے مطابق یہ عمل تقریباً دو گھنٹے میں مکمل ہوا، جسے 34 ماہر کاریگروں نے اعلیٰ معیار کے مطابق انجام دیا۔
مزید بتایا گیا کہ یہ اقدام ہر سال باقاعدگی سے کیا جاتا ہے تاکہ کسوۂ کعبہ کی حفاظت کو یقینی بنایا جا سکے اور اسے چھونے یا نقصان پہنچنے سے بچایا جا سکے، خاص طور پر حج کے دوران طواف کرنے والوں کے زیادہ ہجوم اور کعبہ کے قریب آنے کی وجہ سے۔اٹھائے گئے حصے کو چاروں طرف سے دو میٹر چوڑے سفید سوتی کپڑے سے ڈھانپ دیا جاتا ہے۔
جو ہر سال کی طرح اس مرتبہ بھی اللہ کے مہمانوں کے استقبال اور ان کے لیے مناسک کی ادائیگی کو آسان بنانے کی جامع تیاریوں کا حصہ ہے۔
