فیفا ورلڈ کپ کا بخار، پیرو میں فٹ بال سٹارز کے ناموں پر کئی بچوں کے نام رکھ دیے گئے

ایسا لگتا ہے کہ 2026 کے ورلڈ کپ نے پیرو میں ناموں کا ایک غیر معمولی رجحان پیدا کیا ہے جہاں سینکڑوں لوگ فٹ بال کے کچھ بڑے ستاروں سے منسلک ناموں کے ساتھ رجسٹرڈ ہیں۔

جیسا کہ امریکہ، کینیڈا اور میکسیکو میں ٹورنامنٹ اپنے اختتام کے قریب ہے تو فٹ بال سے محبت کرنے والے خاندانوں کے منتخب کردہ ناموں میں اس کی میراث زندہ رہ سکتی ہے۔

پیرو کی شناخت اور شہری حیثیت کی قومی رجسٹری جو RENIEC کے نام سے معروف ہے، سے منسوب اعداد و شمار کے مطابق لفظ "Haaland" 468 رجسٹرڈ افراد کے نام کا حصہ ہے جبکہ دیگر 91 کا نام "Erling Haaland" ہے۔

اس سے ان افراد کی کل تعداد کم از کم 559 ہو جاتی ہے جو ناروے کے سٹرائیکر سے براہِ راست وابستہ نام کے حامل ہیں۔

ہالینڈ واحد فٹ بال سٹار نہیں ہے جنہوں نے پیرو میں نام کے انتخاب کو متأثر کیا۔

میڈیا رپورٹس کے حوالے سے اعداد و شمار بتاتے ہیں کہ 1,241 افراد "Lamine Yamal" کے نام سے رجسٹرڈ ہیں۔

میکسیکو کے اخبار ریکارڈ نے بھی یہ اطلاع دی ہے کہ پیرو کی سول رجسٹری میں 319 افراد "صلاح"، 238 "ایمباپے"، " 175پیڈری"،" 135 نیور" اور 125 "بیلنگھم" کے نام سے رجسٹرڈ ہیں۔