اردن نے شامی سرحد پر چار گاڑیاں تباہ کر دیں

اردن کے سرحدی محافظوں نے شام سے اردن میں غیر قانونی طور پر داخل ہونے کی کوشش کرنے والی چار گاڑیوں پر فائر کھول دیا۔ سرحدی محافظوں نے در اندازی کا ارتکاب کرنے والی شامی فوجی گاڑیوں کو رکنے کا اشارہ کیا، جسے نظر انداز کر دیا گیا تھا۔

سرکاری نیوز ایجنسی 'پیٹرا' کے مطابق یہ واقعہ جمعہ کے روز پیش آیا تھا۔ اس واقعے کی مزید تفصیلات کے لئے حکام سے فوری رابطہ نہیں ہو سکا۔

حکام کے مطابق اردن میں چھ لاکھ رجسٹرڈ شامی مہاجرین پناہ لئے ہوئے ہیں اور اردنی حکام کے مطابق مہاجرین کی اصل تعداد اس سے کہیں زیادہ ہے۔

چار سال سے جاری شامی بحران کے نتیجے میں تقریبا 160٫000 لوگ جاں بحق ہوئے ہیں جبکہ تقریبا 30 لاکھ شامیوں نے ہجرت میں ہی عافیت جانی ہے۔