.

اسرائیل اور فلسطین میں غزہ کی تعمیر نو کے لیے سمجھوتا

اقوام متحدہ کی ثالثی میں سمجھوتے کے تحت تعمیراتی سامان غزہ لایا جائے گا

پہلی اشاعت: آخری اپ ڈیٹ:

اقوام متحدہ کی ثالثی میں اسرائیل اور فلسطینیوں کے درمیان غزہ میں تعمیراتی سامان درآمد کرنے کے لیے ایک سمجھوتا طے پاگیا ہے۔

مشرق وسطیٰ میں اقوام متحدہ کے نمائندے رابرٹ سیری نے منگل کو ایک بیان میں کہا ہے کہ سمجھوتے کے تحت اس بات کو یقینی بنایا جائے گا کہ تعمیراتی سامان حماس کے جنگجوؤں کے ہاتھ نہ لگے۔

نمائندے کا کہنا ہے کہ سمجھوتے کے تحت غزہ میں تعمیر نو کے لیے آنے والے سامان کی نگرانی کی جائے گی اور اب اس سامان کو کسی تاخیر کے بغیرغزہ کی پٹی لایا جانا چاہیے۔