حزب اللہ کے بانی رہ نما کی یمن فوجی آپریشن کی حمایت

حسن نصراللہ کی جانب سے سعودی عرب پرتنقید مسترد

پہلی اشاعت: آخری اپ ڈیٹ:
مطالعہ موڈ چلائیں
100% Font Size

لبنان کی ایران نواز شیعہ ملیشیا حزب اللہ کے بانی رہ نما اور تنظیم کے سابق سیکرٹری جنرل صبحی الطیفلی نے یمن میں حوثی شدت پسندوں کے خلاف جاری سعودی عرب اور اتحادیوں کے آپریشن کی بہ ظاہر حمایت کی ہے۔ انہوں حزب اللہ کی جانب سے گذشتہ جمعہ کو اپنی تقریر میں یمن میں فوج کشی پر سعودی عرب پر تنقید بھی مسترد کردی ہے۔

ترک خبر رساں ایجنسی’’اناطولیہ‘‘ سے بات کرتے ہوئے صبحی الطفیلی کا کہنا تھا کہ حزب اللہ خود شام میں صدر بشارالاسد کی حمایت میں لڑ رہی ہے۔ اسے یمن میں جاری بغاوت کی حمایت نہیں کرنی چاہیے۔ حزب اللہ کے سربراہ حسن نصراللہ کی جانب سے سعودی عرب کو تنقید کا نشانہ بنانا حیرت کی بات ہے۔

انہوں نے حزب اللہ کے سیکرٹری جنرل کو تنقید کا نشانہ بناتے ہوئے کہا کہ ’’فیصلہ کن طوفان‘‘ آپریشن پر تنقید کرنے سے قبل حسن نصراللہ اپنے گریبان میں جھانکیں۔ کیا وہ شام میں بغاوت کی مخالفت نہیں کررہے ہیں۔ دوسروں کی شکست سے قبل آپ کو خود شکست خوردہ ہوچکے ہیں۔ جو بات آپ دوسروں کے بارے میں کہتے ہیں خود اس کے تیرو نشتر آپ ہی کی طرف ہیں۔

مقبول خبریں اہم خبریں