یمن: عرب اتحادی افواج اور یمنی افواج کا مشترکہ خصوصی آپریشن

یمن میں عرب اتحادی افواج اور حکومتی فوج نے ملک کے تین شہروں کو حوثی اور معزول صدر صالح کی ملیشیاؤں سے آزاد کرانے کے پیش قدمی شروع کر دی ہے۔

روزنامہ "الشرق الاوسط" نے ذرائع کے حوالے سے بتایا ہے کہ یہ تین شہر حضرموت صوبے کا صدر مقام المکلا، ساحلی شہر الحدیدہ اور بحر احمر کے ساحل پر واقع شہر اور بندرگاہ المخا ہیں۔

دوسری جانب اعلیٰ سطح کے یمنی حکام نے بتایا ہے کہ صنعاء پر باغیوں کا قبضہ ختم کرانے کے لیے حکومتی فوج اور شہر کے اندر اور اس کے نواح میں قبائلی شیوخ اور عمائدین کے ساتھ وسیع پیمانے پر رابطے اور تعاون کا سلسلہ جاری ہے۔