عراق: 8 خود کش بمباروں سمیت 15 دہشت گرد ہلاک

#عراق میں مشترکہ ملٹری آپریشن کنٹرول روم کی جانب سے جاری کردہ ایک بیان میں بتایا گیا ہے کہ انٹیلی جنس حکام نے جنگی طیاروں کی مدد سے شدت پسندوں کے خلاف ایک تازہ کارروائی کے دوران آٹھ مبینہ خود کش بمباروں سمیت کم سے کم 15 دہشت گردوں کو ہلاک کردیا ہے۔ ہلاک ہونے والے شدت پسندوں میں دولت اسلامی ’’#داعش‘‘ کے جنگجو بھی شامل ہیں۔

العربیہ ڈاٹ نیٹ کے مطابق جوائنٹ ملٹری آپریشن کنٹرول روم کی جانب سے جاری کردہ ایک بیان میں بتایا گیا ہے کہ پانچ اپریل کو القائم شہر میں شام سے عراق میں داخل ہونے والے دہشت گردی کی نشاندہی کے بعد انہیں میزائل حملوں سے نشانہ بنایا گیا جس کے نتیجے میں 8 خود کش بمباروں سمیت 15 دہشت گرد ہلاک ہوگئے۔

بیان میں بتایا گیا ہے کہ فورسز کی کارروائی میں ہلاک ہونے والے دہشت گردوں میں داعش کے دو اہم کمانڈر بھی شامل ہیں۔ ان میں سے ایک کی شناخت کمانڈر ابو جعفر اور دوسرے کی سعود الشمری کےنام سے کی گئی ہے۔ ابو جعفر #موصل میں دہشت گردی کی کارروائیوں کا نگراں تھا۔