شام : بشار حکومت اپوزیشن کے ساتھ قیدیوں کے تبادلے پر تیار

پہلی اشاعت: آخری اپ ڈیٹ:
مطالعہ موڈ چلائیں
100% Font Size
1 منٹ read

شام کے سرکاری ٹی وی نے پیر کے روز سرکاری ذریعے کے حوالے سے بتایا ہے کہ بشار حکومت اپوزیشن کے ساتھ قیدیوں کے تبادلے کے لیے تیار ہے۔

شامی حکومت کے زیر انتظام نیوز ٹیلی وژن پر بریکنگ نیوز میں بتایا گیا کہ حکومت اپوزیشن گروپوں کے قبضے میں موجود مرد ، خواتین اور بچوں سمیت تمام شہریوں اور عسکری اہل کاروں کے بدلے اپنی حراست میں موجود قیدیوں کو حوالے کرنے پر آمادہ ہے۔

اس سلسلے میں بتایا گیا ہے کہ یہ پیش رفت آستانہ میں آئندہ اجلاس کے واسطے کی جانے والی کوششوں کی ایک کڑی ہے۔

اس سے قبل قازقستان کی وزارت خارجہ نے ہفتے کے روز بتایا تھا کہ 15 اور 16 فروری کو آستانہ میں شامی بحران کے حوالے سے منعقد ہونے والے اجلاس میں شرکت کے لیے شامی حکومت اور اپوزیشن کے وفود کو سرکاری طور پر دعوت دے دی گئی ہے۔

مقبول خبریں اہم خبریں

مقبول خبریں