اردن : تین امریکی ٹرینروں کے قاتل فوجی کو سزائے عمر قید

پہلی اشاعت: آخری اپ ڈیٹ:
مطالعہ موڈ چلائیں
100% Font Size
1 منٹ read

اردن کی ایک فوجی عدالت نے ایک ائیربیس کے داخلی دروازے پر تین امریکی ٹرینروں کو ہلاک کرنے کے جرم میں ملوث فوجی کو عمر قید بامشقت کی سزا سنائی ہے۔

اردن کے عدالتی ذرائع کے مطابق اس فوجی پر قتلِ عمد کے الزام میں فرد جرم عاید کی گئی تھی جبکہ اس نے یہ موقف اختیار کیا تھا کہ وہ اس واقعے میں قصور وار نہیں ہے۔

امریکی ٹرینروں کے قتل کا یہ واقعہ گذشتہ سال نومبر میں عمان کے نزدیک واقع ایک فوجی اڈے پر پیش آیا تھا اور اس کے بعد امریکا اور اردن کے درمیان کشیدگی پیدا ہوگئی تھی۔

اردنی حکام نے پہلے یہ موقف اختیار کیا تھا کہ ٹرینروں نے فوجی مستقر کے گیٹ پر اپنی گاڑی کو نہیں روکا تھا جس کی وجہ سے فوجی نے ان پر فائرنگ کردی تھی مگر امریکا نے اس موقف کو مسترد کردیا تھا اور یہ کہا تھا کہ اس واقعے میں سیاسی محرک کو نظرانداز نہیں کیا جاسکتا۔

اردن امریکا کا خطے میں ایک اہم اور مضبوط اتحادی ملک ہے اور فوجی تعاون کے پروگرام کے تحت سیکڑوں امریکی کنٹریکٹرز وہاں تعینات ہیں۔اس کے علاوہ ایف سولہ لڑاکا جیٹ بھی اردن میں موجود ہیں اور وہ اس کے ہوائی اڈوں سے اڑ کر پڑوسی ملک شام میں داعش کے ٹھکانوں پر بمباری کررہے ہیں۔

مقبول خبریں اہم خبریں

مقبول خبریں