بچوں کے اغواء کے ذریعے حوثیوں کا پارلیمنٹ کے اسپیکر پر دباؤ

یمن کے دارالحکومت سے ملنے والی اطلاعات میں بتایا گیا ہے کہ حوثی ملیشیا نے پارلیمنٹ کے اسپیکر یحیی الراعی کے ایک بیٹے اور پوتے کو اغواء کر لیا ہے۔ ذرائع کا کہنا ہے کہ حوثیوں کی طرف سے ان لوگوں کو اس لیے یرغمال بنایا گیا ہے کہ یحییٰ الراعی پر صنعاء سے باہر جانے سے روکنے کے لیے دباؤ ڈالا جا سکے۔

ذرائع کا کہنا ہے کہ حوثی ملیشیا نے چند روز قبل پیپلز کانگریس کے گھروں پر چھاپے مار کارروائیوں کے دوران حراست میں لے لیا تھا۔

ذرائع کا کہنا ہے کہ حوثیوں نے الراعی کے گھرکی سیکیورٹی سخت کر دی ہے اور ان کی نقل وحرکت پر کڑی نظر رکھی جا رہی ہے۔

حوثیوں کو خدشہ ہے کہ پیپلز کانگریس کے جنرل سیکرٹری اور پارلیمنٹ کے اسپیکر کے صنعاء سے باہر چلے جائیں گے۔ سابق صدر علی عبداللہ صالح کے قتل کے بعد حوثی شدت پسند سابق صدر کے مقربین کو صنعاء سے باہر جانے سے روک رہے ہیں۔