سعودی عرب: پولیس اور ٹریفک میں خواتین کے تقرر کا مطالبہ

سعودی عرب کی شوریٰ کونسل کے دو ارکان میجر جنرل عبداللہ سعدون اور فیصل الفاضل نے واضح کیا ہے کہ محکمہ ٹریفک اور پولیس میں خواتین کا تقرر ایک سماجی ضرورت ہے اور خواتین کو ڈرائیونگ کی اجازت دینے کے بعد ٹریفک عدالتوں میں بھی خواتین کی تعیناتی لازمی ہو گئی ہے۔

ان کے بہ قول ٹریفک قوانین کی خلاف ورزی پر حراست میں لی جانے والی خواتین سے خواتین اہلکار ہی اچھے طریقے سے نمٹ سکیں گی۔ انھوں نے کہا کہ آئندہ مرحلے میں خواتین کو پولیس اور نیشنل گارڈز وغیرہ میں بھی بڑی تعداد میں بھرتی کیا جائے گا۔