‌دیکھئے: الریاض میں ریت کا طوفان، تعلیمی اداروں میں تدریسی سرگرمیاں معطل

سعودی عرب کے دارلحکومت میں منگل کی رات آنے والے ریت کے طوفان کی وجہ سے بدھ کو علی الصباح حد نگاہ میں انتہائی کمی واقع ہو گئی جس کے بعد شہر کے متعدد تعلیمی ادارے بشمول الایمان یونیورسٹی میں تدریسی سرگرمیاں معطل کرنا پڑ گئیں۔

محکمہ موسمیات کے مطابق حد نگاہ شام چھ بجے تک جوں کہ توں رہے گی۔ نیز پورے ملک میں درجہ حرارت مزید گرنے کا امکان بھی ہے۔

مملکت کے محکمہ شہری دفاع نے شہریوں کو حفاظتی ہدایات پر عمل کرنے کی ہدایت کرتے ہوئے کہا ہے کہ بلا ضرورت گھروں سے باہر نہ نکلیں۔ زنک اور لوہے سے تیارکردہ چھتوں سے دور رہا جائے اور دیو ہیکل اشتہاری بل بورڈز سے دور رہا جائے۔

شہریوں نے سعودی دارلحکومت میں آنے والے ریت کے طوفان سے پیدا ہونے والی صورتحال پر مبنی ویڈیوز سوشل میڈیا پر شیئر کئے ہیں۔