الجوف صوبے میں یمنی فوج اور حوثیوں کے درمیان گھمسان کی لڑائی

یمن کے شمال مشرقی صوبے الجوف میں اتوار کے روز سرکاری فوج اور حوثی ملیشیا کے درمیان شدید معرکہ آرائی جاری رہی۔

زمینی ذرائع نے العربیہ کو بتایا کہ یہ لڑائی المصلوب ضلعے کے مغربی حصّے میں ہوئی۔

ذرائع کے مطابق معرکے کے دوران باغی ملیشیا کے عناصر کی ایک بڑی تعداد ہلاک اور زخمی ہو گئی جب کہ یمنی فوج نے ایک حوثی جنگجو کو قیدی بنا لیا۔

اس کے علاوہ المتون ضلعے کے پہاڑی علاقوے میں بھی یمنی فوج اور حوثیوں کے بیچ جھڑپیں ہوئیں۔ جھڑپوں میں توپ خانوں سے شدید گولہ باری کی گئی جب کہ یمنی فوج کو عرب اتحاد کی فضائیہ کی سپورٹ بھی حاصل رہی۔

جھڑپوں کے نتیجے میں حوثی ملیشیا کے کئی ارکان ہلاک اور زخمی ہوئے۔ اس کے علاوہ ایک عسکری گاڑی بھی تباہ ہو گئی۔