غزہ پٹی میں حماس کے عسکری ٹھکانے پر اسرائیلی فوج کا فضائی حملہ

پہلی اشاعت: آخری اپ ڈیٹ:
مطالعہ موڈ چلائیں
100% Font Size
1 منٹ read

اسرائیلی فوج کے ایک اعلان کے مطابق اس کے لڑاکا طیاروں نے ہفتے اور اتوار کی درمیانی شب غزہ پٹی میں حماس تنظیم کے ایک عسکری کمپاؤنڈ میں واقع ٹھکانے کو بم باری کا نشانہ بنایا۔ یہ کارروائی فلسطینیوں کی جانب سے جنوبی اسرائیل پر کیے جانے والے حملے کے بعد عمل میں آئی۔

اتوار کے روز جاری بیان میں بتایا گیا کہ اسرائیلی فضائیہ نے یہ کارروائی غزہ پٹی کے جنوبی شہر رفح میں کی۔

دوسری جانب اسرائیلی اخبار ہارٹرز نے اسرائیلی فوج کے حوالے سے بتایا ہے کہ ہفتے کی شب چار فلسطینیوں نے کیسوویم گاؤں کے نزدیک سرحدی باڑ کی خلاف ورزی کی اور ان کے ہاتھوں میں آتشی مواد سے بھری شیشے کی بوتلیں تھی۔

اسرائیلی فوج کی ترجمان نے فرانسیسی خبر رساں ایجنسی کو بتایا کہ مذکورہ فلسطینیوں نے سرحد کے نزدیک کاموں میں استعمال ہونے والی ایک بڑی گاڑی میں آگ لگا دی اور فرار ہو گئے۔ تاہم کسی قسم کا جانی نقصان نہیں ہوا۔

مقبول خبریں اہم خبریں

مقبول خبریں