مَسعَی کی توسیع کا منصوبہ، ایک گھنٹے میں تقریبا سوا لاکھ افراد کی گنجائش

مکہ مکرمہ میں مسجد حرام میں توسیعی منصوبے کے نتیجے میں مَسعَی (سَعِی کرنے کی جگہ) میں ایک گھنٹے میں ایک لاکھ اٹھارہ ہزار کے قریب حاجی سعی کر سکیں گے۔

مسجد حرام کی تمام منزلوں پر مَسعَی کا مجموعی رقبہ 1.25 لاکھ مربع میٹر کے قریب ہو گا۔ سعودی حکومت مناسک حج کے دوران رش کو کم کرنے کے لیے اس گنجائش کو یقینی بنانے کے واسطے کوشاں ہے۔

سعودی عرب نے حرمین شریفین میں ترقیاتی منصوبوں کو ہمیشہ اپنی اولین ترجیحات میں رکھا ہے۔ اس کا مقصد معتمرین اور حجاج کی شکل میں آنے والے لاکھوں زائرین کے واسطے کشادہ جگہ کی فراہمی ہے۔

رش کے سیزن کے دوران گزر گاہوں اور پُلوں کے ذریعے مجمع اور ہجوم کو منظّم کر کے آمد و رفت کو آسان بنانے کی کوششیں واضح طور پر نمایاں ہو رہی ہیں۔