.

امارات : 95 برس کے شہری کی تیسری شادی کی وڈیو وائرل

پہلی اشاعت: آخری اپ ڈیٹ:

متحدہ عرب امارات کے ایک شہری سعید علی الشحی کی 95 سال کی عمر میں تیسری شادی کی وڈیو نے سوشل میڈیا پر دُھوم مچا دی ہے۔ دُلہن کی عمر تیس سے چالیس برس کے درمیان ہے۔

وڈیو میں بزرگ دولہا مکمل صحت مند اور چاق و چوبند نظر آ رہے ہیں۔ شادی کی تقریب راس الخیمہ میں منعقد ہوئی جس میں الشحی کے دوست و احباب اور بیٹے بیٹیوں نے شرکت کی۔

شادی کی تقریب کا انتظام روایتی طریقے سے دولہا کے گھر کے احاطے میں کیا گیا۔ اماراتی روزنامے "الخلیج" سے گفتگو کرتے ہوئے الشحی کے بیٹوں نے کہا کہ دُور دراز کے علاقوں سے لوگوں کی ایک بڑی تعداد کے تقریب میں آ کر ان کے والد کو مبارک باد پیش کرنا اُن کے لیے حیران کُن ہے۔

یاد رہے کہ نوّے کی دہائی کی عمر والے الشحی روایتی تلواریں اور خنجر بنانے کے ماہر ہیں۔ اُن کی 15 اولادیں ہیں جن میں 10 بیٹے اور 5 بیٹیاں ہیں۔ سب سے بڑی اولاد کی عمر 50 برس اور سب سے چھوٹی اولاد ڈیڑھ برس کی ہے۔