اوسس ریئل اسٹیٹ کی مکہ میں 266 ملین ڈالر کی سرمایہ کاری کے ساتھ توسیع

اوسس رئیل اسٹیٹ نے ایک بلین سعودی ریال کی سرمایہ کاری کے ساتھ مکہ میں مسار ڈیسٹینیشن کے اندر ایک مخصوص رہائشی منصوبے کی ترقی کے ذریعے اپنے آپریشنز کو توسیع دینے کا اعلان کیا ہے۔ یہ مقدس شہر کے نمایاں ترین شہری ترقیاتی منصوبوں میں سے ایک ہے۔

اس منصوبے میں تین رہائشی ٹاورز کی ترقی شامل ہے جو مسار ڈیسٹینیشن کی مالک، ڈویلپر اور آپریٹر ام القریٰ فار ڈویلپمنٹ اینڈ کنسٹرکشن کمپنی اور الراجحی کیپٹل کی شراکت میں مسار ڈیسٹینیشن کے اندر تجارتی کمپلیکس کے قریب ترین تیسرے زون میں واقع تقریباً 690 رہائشی یونٹس پر مشتمل ہے۔

یہ منصوبہ مکہ میں اوسس رئیل اسٹیٹ کے توسیعی سفر کی نمائندگی کرتا ہے۔ اس کا مقصد انتہائی پرکشش اور ارتقا پذیر مقامات پر اپنی موجودگی کو مستحکم کرنا اور ایسے مخصوص منصوبوں کو ترقی دینا ہے جو شہری اور اقتصادی ترقی میں معاون ہوں، معیارِ زندگی کو بہتر بنائیں اور سعودی ویژن 2030 کے مقاصد کے ساتھ ہم آہنگ ہوں۔

یہ قدم مقدس شہر میں مسار ڈیسٹینیشن کی بڑھتی ہوئی پوزیشن کو بھی نمایاں کرتا ہے اور اس کے فراہم کردہ مربوط شہری ماحول اور جدید انفراسٹرکچر نے اعلیٰ معیار کی سرمایہ کاری کو راغب کرنے اور رئیل اسٹیٹ ڈویلپرز اور سرمایہ کاروں میں اس کی کشش بڑھانے میں اہم کردار ادا کیا ہے۔

اس منصوبے کی اہمیت مکہ مکرمہ میں دستیاب سرمایہ کاری کے امید افزا مواقع سے فائدہ اٹھانے میں مضمر ہے نیز یہاں موجود صلاحیتوں میں جو اعلیٰ معیار کے رئیل اسٹیٹ منصوبوں کی ترقی اور مارکیٹ کی ضروریات کو پورا کرنے میں معاون ہیں۔

یہ منصوبہ رئیل اسٹیٹ ڈویلپرز اور سرمایہ کاری کے اداروں کے درمیان تزویری شراکت داری کا ایک نمونہ پیش کرتا ہے جو شہری اور اقتصادی ترقی کے مقاصد میں مددگار ہے۔ اس سے ایک سرکردہ شہری اور سرمایہ کاری کے مقام کے طور پر مکہ کی حیثیت میں اضافہ ہوتا ہے اور یہ سعودی ویژن 2030 کے مقاصد سے ہم آہنگ ہے۔