.

یمن کے حوالے سے امن بات چیت کے واسطے گریفتھ کی تجاویز کے حامی ہیں : قرقاش

پہلی اشاعت: آخری اپ ڈیٹ:

متحدہ عرب امارات کے وزیر مملکت برائے خارجہ امور انور قرقاش نے باور کرایا ہے کہ ان کا ملک یمن کے حوالے سے نئی امن بات چیت کے لیے اقوام متحدہ کی تجاویز کی حمایت کرے گا۔

بدھ کے روز اپنی ٹوئیٹ میں قرقاش نے کہا کہ منگل کے روز نیویارک میں اقوام متحدہ کی جنرل اسمبلی کے اجلاس کے ضمن میں اُن کی مارٹن گریفتھ (یمن کے لیے اقوام متحدہ کے خصوصی ایلچی) کے ساتھ بات چیت نہایت تعمیری رہی۔

قرقاش کے مطابق وہ گریفتھ کو بارہا یہ باور کرا چکے ہیں کہ امارات اقوام متحدہ کے خصوصی ایلچی کی طرف سے جاری سیاسی کوششوں کو سپورٹ کرتا ہے۔

امارات وزیر نے کہا کہ ان کا ملک یمن کے حوالے سے امن بات چیت کے دوبارہ شروع ہونے اور اس حوالے سے اقوام متحدہ کی تجاویز کی مکمل حمایت کرے گا۔

یاد رہے کہ دو ہفتے قبل حوثیوں کے وفد کے نہ آنے کی وجہ سے جنیوا میں امن بات چیت کا عمل ناکامی سے دوچار ہو گیا تھا۔