پاکستان میں حج 2027 کی رجسٹریشن کا آغاز، سعودی عرب سے حج کوٹہ بڑھانے پر گفتگو جاری

پاکستان کی حکومت نے اندرون و بیرونِ ملک سے خواہشمند عازمینِ حج کے لیے حج 2027 کی لازمی رجسٹریشن کا آغاز کر دیا ہے، وزیرِ مذہبی امور سردار محمد یوسف نے پیر کو کہا اور بتایا ہے کہ سعودی عرب کے ساتھ عازمین کا کوٹہ بڑھانے کے لیے گفتگو جاری ہے۔

اسلام آباد میں حج رجسٹریشن کی افتتاحی تقریب سے خطاب کرتے ہوئے یوسف نے کہا، خواہشمند عازمین کے لیے سرکاری یا پرائیویٹ حج سکیموں میں سے کسی ایک کا انتخاب کرنے سے پہلے رجسٹریشن کا عمل مکمل کرنا لازمی ہے۔

"حج 2027 کے لیے رجسٹریشن آج سے شروع ہو گئی ہے،" وزارتِ مذہبی امور نے یوسف کے حوالے سے بتایا۔ حج 2027 کی رجسٹریشن مفت ہے، کوئی فیس وصول نہیں کی جائے گی۔

وزیر نے کہا ہے کہ بیرونِ ملک مقیم پاکستانی کسی بھی ملک سے حج کے لیے اندراج کر سکیں گے نیز ایک ہی خاندان کے افراد کو مشترکہ طور پر رجسٹر کرنے کی اجازت ہے۔

انہوں نے کہا کہ حج 2027 کی رجسٹریشن کسی بھی نامزد بینک سے یا آن لائن مکمل کی جا سکتی ہے۔ یوسف نے اس بات پرروشنی ڈالی کہ عازمینِ حج کے لیے یہ یقینی بنانا لازمی ہے کہ ان کے پاسپورٹ 26 نومبر 2027 تک درست اور قابلِ استعمال ہوں۔

انہوں نے کہا، "پاکستان کا حج کوٹہ تقریباً 230,000 عازمین کا ہونا چاہیے۔"

اس ماہ کے شروع میں وزارت مذہبی نے کہا تھا کہ حج 2027 پیکج کے اخراجات کی تفصیلات بشمول شرائط و ضوابط کا اعلان آئندہ حج پالیسی کے تحت کیا جائے گا۔