مختلف ممالک کے 25 بچوں نے دبئی مال میں عوام کے دل موہ لیے

دبئی مال میں مختلف ملکوں سے تعلق رکھنے والے 25 بچوں نے متحدہ عرب امارات کے قومی دن کے موقع پر امارات کے قومی ترانے کی دھن بجا کر مال میں آنے والوں کو حیران کر دیا۔

اس ایونٹ کا انعقاد "وطنی الامارات فاؤنڈیشن" کی جانب سے کیا گیا تھا۔

اس موقع پر حاضرین کی جانب سے بھرپور پذیرائی دیکھنے میں آئی اور لوگوں نے اس شان دار کارکردگی کا مظاہرہ کرنے والے بچوں کے ساتھ شامل ہو کر امارات کا قومی ترانہ پڑھا۔

عوامی حلقوں کا کہنا ہے کہ اس ایونٹ کی وڈیو امارات کی سرزمین پر بسنے والے مختلف قومیت کے حامل افراد کے درمیان ہم آہنگی اور باہمی بقاء کی روح کو ظاہر کرتی ہے۔